Rosa...

TenkePuta, SovePuta, PausePuta, KvilePuta, DrømmePuta og PønskePuta... til ei lita prinsesse som har fått nytt rom... Møbelstoff og heimetrukne knappar av gamle tekstiler med historie...

PuteKø...

4 PausePuter...

4 PausePuter, unike, ingen er like, men alle er i slekt... grå og svart vadmel, åkle og bokstavbroderi...
(Putene ligg for sal på Norsk trikotasjemuseum, Salhus, Bergen)

PausePuta for 2...

PausePuta, så lang at det er plass til to som har pause på ein gong... Litt bokstavbroderi og litt åkle i grå omgjevnadar...

PausePuta...30...

Gåve: ei PausePuta til ei som fyller 30... Litt broderi og litt Åkle, men mest grå vadmel... ei vinterputa tenkjer ein kanskje akkurat no, når gradestokken viser 30...

Grøn. Kvile. Pause.

Vev det av.....

KvilePause...

BakendeLunar til ein kald vevstol...

Ein kan liksom sjå føre seg at det var litt kaldt på loftet eller i kammerset der vevstolen sto, iallefall før i tida... Her er ein BakendeLunar til å sitta på, på vevstolen... Den er laga av eit åkle, med baksida ut (det var var eit så fint, geometrisk og ryddig mønster på baksida)... på åkle er det sydd på kryss og tvers med rettsaum av same gulfarge som i veven... grått møbelstoff med brodert tekst...gode ord om vev (utdrag frå Olav H Hauge sitt dikt "Teppet")

Lilla...

Lilla åkle vevd i nyare tid... er blitt dekor i Puter og FotKvilar... Dei vevde åklene, både nye og gamle har så mykje fine fargar og mønster!...... men så passar det ikkje alltid inn med eit heilt stort åkle i interiøret... Ein liten åklebit derimot, kan væra prikken over i-en og ein liten fargeklatt i det kvite og grå...

PrøvePuter III

Først blei det laga eit trehus. Så blei dette fotografert. Så blei det klippa og lima og fiksa på i photoshop. Så blei det overført til tekstil med rammelim... og til slutt felt inn i eit stykke dress-stoff , funne i ei restekorg utanfor ein koseleg skreddar-butikk i Toscana...

PrøvePuter II

Eit ukebladcover frå 1959 er overført til rammelim og feldt inn i grått tynt ullstoff... Også ein raud knapp med kvite prikkar frå ein bluse frå gamledagar...

PrøvePuter I

PuteUtprøvingar før kurs om PutePønsking... Blindkontur-symaskinsaum på lyseblått møbelstoff... Hjarte for gjenbruk klippa ut av utgåtte ullgensrar, kanta med sikksakk-saum og påsydd ullstoff...

Halda seg fast i ein klokkestreng...

E. har innreda ny TV-stove og trengte ei uvanleg lang pute. Den måtte væra så lang at det var plass til to ryggar, og så lang at den som uheldigvis havnar i sprekken har noko å halda seg fast i... Ein skatt av ein gamal klokkestreng (spesielt fin i fargane) frå Sørlandet blei brukt som utgangspunkt og felt inn i grått møbelstoff. Dei store knappane er kledd med same møbelstoff, men med symaskinsaum på kryss og tvers i gult for å skapa heilskap mellom det grå og det fargerike...

Om ein ikkje er i humør til fargerike broderier akkurat den dagen, kan ein jo snu Puta og heller slappa av med litt FargeKlattar...

BokstavBroderi...

Pute med broderte PauseOrd og gjenbrukte lilla 70-talsgardiner... Laserprinta ord er montert på baksida med rammelim og brukt som mønster for brodering med nål og avlagt hekletråd...

Grå KvilePuter med FargeKlattar...



Store knappar på små puter...

Rettsaum av lys og mørkare turkis på kryss og tvers... rosa på rødt og prikkete bit av solsengtrekk frå lenge sida...

PotetTrykkGyngeStolPute...

E. har oppdaga den inspirerande teknikken: PotetTrykk! Prøvelappen måtte brukast til noko... og siden E. hadde eit behov for ei pute i nakken under den daglege middagskvilen i gyngestolen på kjøkenet, så måtte det bli ei GyngeStolPute. Først blei det skåret ut ei bladform i potet, denne blei brukt til å trykka lag på lag med ulik valør av gul tekstilmaling med litt svart i. Så blei symaskinen bruka til å laga gul kontur rundt alle bladene, før nokre til slutt fekk svart kontur. Prøvelappen blei felt inn i mørk grått møbelstoff av ull og fylt med putefyll frå IKEA...